புதுடெல்லி:

2017-18 ஆண்டு முதல் மீண்டும் கட்டாயமாக 10-ம் வகுப்பு சிபிஎஸ்சி தேர்வுகள் அறிமுகப்படுத்தபட உள்ளது. மத்திய மனிதவள மேம்பாட்டு துறை மந்திரி பிரகாஷ் ஜவடேகர் இந்த தகவலை தெரிவித்துள்ளார்.

முன்னதாக ராஜஸ்தான் கல்வித் துறை மந்திரி இந்த முடிவு குறித்து செய்தியாளர்களிடம் தெரிவித்து இருந்தார்.

அதேபோல் மாநில அரசுகளும் 5-ம் வகுப்பு முதல் 8-ம் வகுப்பு வரை மீண்டும் தேர்வுகளை அறிமுகப்படுத்த அதிகாரம் வழங்கப்பட்டுள்ளது. இதற்கான பரிந்துரை கேபினேட் மற்றும் பாராளுமன்றத்தின் முன்பு வைக்கப்பட்டுள்ளதாகவும் ஜவடேகர் தெரிவித்தார்.

பள்ளி கல்வியின் தரம் குறிப்பாக அரசு பள்ளிகளின் தரத்தினை உருவாக்குவதே முக்கிய நோக்கம் என்றும் அவர் கூறினார்.